ویرات کوہلی نے اسٹمپ مائیک پرغصہ نکال دیا ویڈیو وائرل

بھارتی کرکٹ ٹیم کے دیگرکھلاڑیوں نے بھی کپتان کا ساتھ دیتے ہوئے تھرڈایمپائرپرتنقید کی:فوٹو:سوشل میڈیا

---

ISLAMABAD: بھارتی کپتان ویرات کوہلی نے جنوبی افریقہ کیخلاف میچ میں بیٹسمین کوآؤٹ نہ دینے کا غصہ اسٹمپ پرلگے مائیک پرنکال دیا۔

جنوبی افریقہ کے خلاف تیسرے ٹیسٹ میچ میں بھارتی کپتان ویرات کوہلی اس وقت غصے میں آگئے جب تھرڈ ایمپائرنے ریویومیں جنوبی افریقی بیٹسمین ڈین ایلگرکوناٹ آؤٹ قراردے دیا جسے فیلڈ ایمپائرآؤٹ دے چکے تھے۔

وائرل ہونے والی ویڈیو میں دیکھا جاسکتا ہے کہ ویرات کوہلی تھرڈ ایمپائرکے فیصلے پرآگ بگولہ ہوگئے اورسیدھے اسٹمپ پرلگے مائیک پرپہنچے اورکھری کھری سنا ڈالیں۔

Hahaha Indian team shitehorsery https://t.co/VKPbw0Igl6

— IndianBoba (@indianboba) January 14, 2022

ویرات کوہلی کا مائیک میں کہنا تھا کہ اپنی ٹیم پربھی توجہ دیں جب وہ بال چمکا رہی ہوتی ہے صرف مخالف ٹیم پرنہیں۔

بھارتی ٹیم کے دیگرکھلاڑیوں نے بھی اپنے کپتان کا بھرپورساتھ دیتے ہوئے تھرڈ ایمپائرکوتنقید کا نشانہ بنایا اور کہا کہ پورا ملک ایک ٹیم کے خلاف کھیل رہا ہے۔