ایکسپریس انٹرٹینمنٹ پر 5 نئی میگا ڈرامہ سیریل کا آغاز

ایکسپریس انٹرٹینمنٹ پر پیش کیے جانیوالے ڈرامہ سیریل ’’چور دروازے‘‘ کا ایک منظر۔ فوٹو: ایکسپریس

---

SWAT: ایکسپریس انٹرٹینمنٹ کی جانب سے اپنے ناظرین کے لیے ہمیشہ عمدہ پروگرام پیش کرنے کی کوشش کی ہے جس کی وجہ سے ان دنوں ایکسپریس کے پروگرام عوام میں بے حد مقبول ہیں۔

نئے سال کے آغاز پر ایکسپریس انٹرٹینمنٹ نے اپنے ناظرین کے لیے بہت سے نئے پروگرام پیش کرنے کی منصوبہ بندی ہے جس میں پانچ نئی ڈرامہ سیریل چور دروازے، محبت زندہ باد، جھوٹی، گمان، دل مجبور سا لگے قابل ذکر ہیں،ان نئی ڈرامہ سیریل کو ملک کے نامور رائٹرنے تحریر کیا ہے، جب کہ ملک کے معروف ڈائریکٹر نے بہت محنت اور لگن سے اسے تیار کیا ہے ان تمام ڈرامہ سیریل میں فلم، ٹیلی ویژن کے نامور فنکاروں نے ادکاری کا مظاہرہ کیا ہے کل14فروری سے سیریلز کا آغاز ہوچکا ہے اس سلسلے کی پہلی ڈرامہ سیریل''چور دروازے'' ہے جسے سلمان یونس نے تحریر کیا ہے پروڈکشن ادارے سکس سگما نے اس سیریل کو تیار کیا تھا جس کے ڈائریکٹر فرحان تجمل تھے۔

سیریل کی کہانی بہت خوبصورت ہے جس میں دیکھنے والوں کو بہت دلچسپ واقعات نظر آئیں گے، کہانی کا مرکزی خیال سوچ کی قید میں خوابوں کے چور دروازے بند گلیوں سے نکلتا ہوا یہ باب خواب میرا ہے کو پیش کیا گیا ہے،اس سیریل میں بدر خلیل،شکیل، عروا، مدیحہ افتخار، سید جبران نے بہترین ادکاری کا مظاہرہ کیا،''چور دروازے'' کی پہلی قسط کو ایکسپریس انٹرٹینمنٹ کے ناظرین نے بے حد پسند کیا،سیریل کا آغاز بہت خوبصورت انداز میں ہوا ہے جس سے اندازہ ہوتا ہے کہ آنے والے دنوں اس کی دلچسپی میں اضافہ ہوگا،چور دروازے ہر جمعہ کو ناظرین رات نو دیکھ سکیں گے۔