روس میں کالی برفباری

سیاہ برفباری سے ڈھکے روسی خطے مگاڈن کی ایک تصویر، [فائل-فوٹو]

---

کراچی: ہم بچپن سے ہی تصاویر، ویڈیوز اور قسمت اچھی رہی ہو تو براہِ راست برفباری کا مشاہدہ کرتے آرہے ہیں اور ہمیں اس کے ساتھ سفید لکھنے کی ضرورت کبھی پیش نہیں آئی، سبھی جانتے ہیں برفباری سفید ہوتی ہے لیکن ۔ ۔ ۔ ۔ ۔

دنیا کے دو خطے ایسے ہیں جہاں برفباری دو متضاد رنگوں کی ہوتی ہے، ایک سفید اور دوسری کالی۔ جی ہاں! روس کے خطے مگاڈن میں موجود متعدد گاؤں میں اس سال بھی موسمِ سرما میں سیاہ برفباری کی اطلاع ہے۔ اسی طرح سائبیریا میں بھی عام برفباری کے ساتھ ساتھ کالے رنگ کی بھی برفباری ہوتی ہے لیکن کیا آپ جانتے ہیں ایسا کیوں ہوتا ہے؟

دراصل روس میں کوئلے سے چلنے والے پرانے واٹر ہیٹنگ پلانٹس ہیں جہاں نامیاتی مادوں کے نامکمل احتراق سے کاربن ذرات بڑی مقدار میں خارج ہوتے ہیں اور پھر آس پاس کے مقامات میں بالکل برفباری کی طرح گرتے ہیں۔ اور کالی برفباری کا منظر پیش کرتے ہیں۔

یہاں کے بچے عام برفباری میں لطف اندوز ہونے والے بچوں کی طرح ہی اس سیاہ برفباری میں کھیلتے نظر آتے ہیں۔ برسوں سے ایسی ویڈیوز اور تصاویر منظر عام پر آچکی ہیں جن میں دیکھا جاسکتا ہے یہاں کہ لوگوں کو اس عجیب رنگت کی برفباری سے کبھی کوئی پریشانی کا سامنا نہیں ہوا۔