بالی ووڈ اداکار رمیش دیو 93 برس کی عمر میں چل بسے

اداکار نے ممبئی کے کوکیلا بین اسپتال میں زندگی کی آخری سانسیں لیں، فوٹوفائل

---

کراچی: بھارتی فلم انڈسٹری کے سینئر اداکار رمیش دیو 93 برس کی عمر میں چل بسے۔

بھارتی میڈیا کے مطابق اداکار نے ممبئی کے کوکیلا بین امبانی اسپتال میں زندگی کی آخری سانسیں لیں۔

رمیش دیو کے بیٹے اجینکیا نے اپنے والد کی موت کی تصدیق کرتے ہوئے کہا کہ ان کے والد عارضہ قلب میں مبتلا تھے اور ان کی بائی پاس سرجری بھی ہوئی تھی۔ ہم انہیں آج اسپتال لے کر گئے لیکن دل کا دورہ ان کے لیے جان لیوا ثابت ہوا اور وہ جانبر نہ ہوسکے۔ اداکار کی آخری رسومات کل ادا کی جائیں گی۔

رمیش دیو کی موت پر اداکارہ مادھوری ڈکشٹ اور ارمیلا ماٹونڈکر سمیت متعدد فنکاروں نے غم کا اظہار کیا ہے۔

واضح رہے کہ اداکار رمیش دیو اپنے طویل کیریئر میں 285 سے زائد ہندی، 190 مراٹھی اور 30 مراٹھی ڈراموں میں کام کرچکے تھے۔ ان کی فلموں میں ''آنند''، ''آپ کی قسم''، ''میرے اپنے''، ''مسٹر انڈیا''،''کھلونا'' اور ''ہلچل'' وغیرہ شامل ہیں۔

Saddened to hear the news of evergreen personality, Shri. Ramesh Deo ji. Condolences to the family 🙏🏻 #RIP 🙏🏼 #RameshDeo sir 💐🙏

— Madhuri Dixit Nene (@MadhuriDixit) February 2, 2022