ملتان سلطانز نے پشاور زلمی کو شکست دے کر مسلسل پانچویں فتح حاصل کرلی

محمد رضوان نے 82 رنز کی شاندار اننگز کھیلی جبکہ ٹم ڈیوڈ نے 19 گیندوں پر 51 رنز اسکور کیے (فوٹو ٹویٹر)

---

کراچی: پاکستان سپر لیگ سیزن 7 کے 13ویں میچ میں ملتان سلطانز نے پشاور زلمی کو 57 رنز سے شکست دے کر مسلسل پانچویں فتح حاصل کرلی۔

کراچی کے نیشنل اسٹیڈیم میں پاکستان سپرلیگ کا تیرہواں میچ ملتان سلطانز اور پشاور زلمی کی ٹیموں کے درمیان کھیلا گیا جس میں زلمی کے کپتان وہاب ریاض نے ٹاس جیت کر ملتان سلطانز کو پہلے بیٹنگ کی دعوت دی۔

ملتان سلطانز اننگز

ملتان سلطانز کی جانب سے اننگز کا آغاز کپتان محمد رضوان اور شان مسعود نے کیا، دونوں بلے بازوں نے 85 رنز کی پارٹنر شپ قائم کی، جس کے بعد شان مسعود 35 رنز بنا کر آؤٹ ہوگئے، پھر صہیب مقصود نے کپتان کا ساتھ دیا اور اسکور کو 127 تک پہنچایا تو صہیب مقصود بھی 25 رنز بنا کر آؤٹ ہوگئے۔

5/5
What a show by @MultanSultans! #HBLPSL7 l #LevelHai l #PZvMS pic.twitter.com/iFX5PuLTDe

- PakistanSuperLeague (@thePSLt20) February 5, 2022

پھر ٹم ڈیوڈ وکٹ پر آئے تو انہوں نے محمد رضوان کا بہت اچھے انداز سے ساتھ دیا، دونوں بلے بازوں نے جارحانہ کھیل کا مظاہرہ کرتے ہوئے اسکورکو 196 تک پہنچایا تو محمد رضوان 53 گیندوں پر 1 چھکے اور 8 چوکوں کی مدد سے 82 رنز بنا کر آؤٹ ہوئے۔رضوان کے آؤٹ ہونے کے بعد ٹم ڈیوڈ نے تیز بلے بازی کی اور 19 گیندوں پر 6 چھکوں 2 چوکوں کی مدد سے 51 رنز بنائے۔

ملتان سلطانز نے مقررہ 20 اوورز میں تین وکٹوں کے نقصان پر 223 رنز بنائے۔ محمد رضوان 82 اور ٹم ڈیوڈ 51 کے ساتھ نمایاں بلے باز رہے جبکہ زلمی کے سلمان ارشاد، شعیب ملک اور عثمان قادر نے ایک ایک وکٹ حاصل کی۔

پشاور زلمی اننگز پشاور زلمی کو 223 رنز ہدف کے تعاقب میں بیٹنگ کا آغاز کچھ اچھا نہ مل سکا کیونکہ کامران اکمل 24 کے مجموعی اسکور پر آؤٹ ہوکر پویلین لوٹے، بعد میں حیدر علی 55 اور شعیب ملک 84 کے اسکور پر عمران طاہر کا شکار بنے۔ زلمی کی لگاتار دو وکٹیں 93 رنز پر گریں جس کے بعد ٹیم کی میچ پر گرفت کمزور ہوئی۔

ON A ROLL! @PeshawarZalmi in trouble now? #HBLPSL7 l #LevelHai l #PZvMS pic.twitter.com/ZYXKjWoQ1O

- PakistanSuperLeague (@thePSLt20) February 5, 2022

ابھی مجموعی اسکور 97 پر پہنچا ہی تھا کہ زلمی کی چھٹی وکٹ بھی گر گئی، پھر زلمی کی 7ویں وکٹ 119 اور آٹھویں 158 پر گریی، زلمی مقررہ اوورز میں 8 وکٹوں کے نقصان پر 165 رنز بنا سکی۔ بین کٹنگ 52 رنز ناٹ آؤٹ کے ساتھ نمایاں بلے باز رہے جبکہ سلطانز کے عمران طاہر اور شاہ نواز دھانی نے 3 ، 3 اور عباس آفریدی ، مضربانی نے ایک ایک وکٹ حاصل کی۔

واضح رہے کہ ملتان سلطانز لیگ میں ناقابلِ شکست ٹیم رہی ہے جبکہ پشاور زلمی کو 5 میں سے 2 میچز میں فتح حاصل ہوسکی ہے۔