جنوبی وزیرستان میں آپریشن کے دوران کالعدم ٹی ٹی پی کا دہشت گرد گرفتار

اللہ نور برقعہ پہن کر فرار ہونے کی کوشش کے دوران گرفتار ہوا جبکہ بھاری اسلحہ بھی برآمد کرلیا، آئی ایس پی آر

ویب ڈیسک February 05, 2022

آئی ایس پی آر کے مطابق سیکیورٹی فورسز نے خفیہ اطلاعات پر آپریشن کیے—فائل فوٹو

MILAN: جنوبی وزیر ستان میں سیکیورٹی فورسز نے سرواکئی میں آپریشن کے دوران کالعدم تحریک طالبان پاکستان (ٹی ٹی پی) کے دہشت گرد اللہ نور کو گرفتار کرلیا۔

پاک فوج کے شعبہ تعلقات عامہ (آئی ایس پی آر) کے مطابق اللہ نور برقعہ پہن کر فرار ہونے کی کوشش کے دوران گرفتار کیا گیا جبکہ آپریشنز میں مختلف ہتھیار، گولیاں، گرینیڈز اور آلات مواصلات برآمد کرلیا گیا۔

آئی ایس پی آر کے مطابق سیکیورٹی فورسز نے سرواکئی میں انٹیلی جنس بیسڈ آپریشن کیا تھا۔

علاوہ ازیں آئی ایس پی آر کے مطابق قانون نافذ کرنے والے اداروں نے جنوبی وزیرستان مکین میں آپریشن کیا، آپریشن کے دوران ایم 16 رائفلز اور دیگر اسلحہ برآمد کر لیا گیا، اسلحہ درہ آدم خیل منتقل کرنے والے 4 افراد بھی گرفتار کر لیے گئے۔