دمشق کے شاپنگ مال میں آتشزدگی 11 افراد ہلاک

حادثے کی وجہ کا ابھی تک کوئی علم نہیں ہوپایا ہے تاہم تحقیقات جاری ہیں، وزارت داخلہ

ویب ڈیسک March 01, 2022

دمشق میں جائے حادثے کا ایک منظر، [فائل-فوٹو]

کراچی: شام کے دارالحکومت دمشق میں ایک شاپنگ مال آتشزدگی کی زد میں آگیا جس کے نتیجے میں 11 افراد ہلاک ہوگئے۔

عالمی میڈیا کے مطابق شام کی وزارت داخلہ نے حادثے کی تصدیق کرتے ہوئے بتایا کہ دمشق کے لا میراڈا نامی شاپنگ مال میں آتشزدگی کا واقعہ پیش آیا ہے جس میں 11 افراد ہلاک ہوچکے ہیں۔

وزارت دفاع کے ڈائریکٹر احمد عباس نے تفصیلات سے آگاہ کرتے ہوئے کہا کہ 6 منزلہ عمارت میں آتشزدگی کا واقعہ آدھی رات کو پیش آیا جبکہ ہلاک ہونے والوں میں سیکورٹی گارڈز اور مقامی عملے کے افراد شامل ہیں۔

وزارت داخلہ نے مزید بتایا کہ حادثے کے وقت دو افراد کو بچا لیا گیا ہے۔ حادثے کی وجہ کا ابھی تک کوئی علم نہیں ہوپایا ہے تاہم تحقیقات جاری ہیں۔