عالیہ بھٹ نے ارجن کپور کو جیون ساتھی چن لیا

کارڈ چھپ چکے، منگنی کی تقریب 28 فروری کو ہوگی، عالیہ کا ٹویٹر پر پیغام۔ فوٹو : فائل

---

BOGOTA: بالی وڈ اداکارہ عالیہ بھٹ نے نہ صرف اداکار ارجن کپور کو اپنا جیون ساتھی چن لیا ہے بلکہ چٹ منگنی پٹ بیاہ کے مصداق شادی کی تیاریاں بھی شروع کر دی ہیں۔

اداکارہ عالیہ بھٹ کو پہلے پیار پھر اقرار ہوا اور پھر وہ اب گھر بسانے کی تیاریوں میں ہیں۔دونوں کی منگنی 28 فروری کو ہو گی جس کے کارڈ بھی چھپ چکے ہیں خوشی کا عالم یہ ہے کہ عالیہ بھٹ اپنے ٹویٹر اکاونٹ پر منگنی کی خبر کی تصدیق بھی کر چکی ہیں ۔

عالیہ بھٹ نے ٹوئیٹر پر اپنے ایک پیغام میں اپنے مداحوں کو اطلاع دی ہے کہ 28 فروری کو ان کی نئی فلم' ٹو اسٹیٹسِ کی ٹریلر لانچنگ تقریب میں وہ ارجن کپور کے ساتھ منگنی کے رشتے میں بندھنے والی ہیں اور منگنی کی یہ تقریب 28 فروری کو دن کے بارہ بجے فیس بک، ٹوئیٹر اور یو ٹیوب پر منعقد ہوگی ۔ ان کے چاہنے والے انھیں شگن دینے کے لیے تحفے یا پھول نہیں بلکہ فلم کے ٹکٹ خریدیں۔