بلاول جلد وطن واپس آجائیں یہ نہ ہو واپسی کا کرایہ اپنی جیب سے دینا پڑے فواد چوہدری

پاکستان کے لئے انتہائی اہم ہے کہ زرداری اور شریف کے خلاف مقدمات شفاف طریقے سے انجام کو پہنچیں، فواد چوہدری(فوٹو : فائل)

---

THEKRI WALA: تحریک انصاف کے رہنما اور سابق وفاقی وزیر فواد چوہدری کا کہنا ہے کہ بلاول بھٹو زرداری کو مشورہ ہے وہ غیر ملکی دوروں سے آج کل میں ہی واپسی پکڑیں، یہ نہ ہو واپسی کا کرایہ آپ کو اپنی جیب سے دینا پڑجائے۔

سماجی رابطے کی ویب سائٹ ٹویٹر پر اپنی ٹویٹ میں سابق وفاقی وزیر اور تحریک انصاف کے رہنما فواد چوہدری کا کہنا تھا کہ آج تمام نظریں سپریم کورٹ کی تاریخی سماعت کی طرف ہیں، جہاں مافیا کی کیس مینجمنٹ کی سازش ایک سوموٹو کے نتیجے میں تباہ ہو گئی ہے، ماضی میں تفتیش اور شہادتوں کو حکومتی اثر کے نیچے تباہ کیا گیا، پاکستان کے لئے انتہائی اہم ہے کہ زرداری اور شریف کے خلاف مقدمات شفاف طریقے سے انجام کو پہنچیں۔

بلاول صاحب کو مشورہ ہے غیر ملکی دوروں سے آج کل میں ہی واپسی پکڑیں یہ نہ ہو واپسی کا کرایہ آپ کو اپنی جیب سے دینا پڑجائے ، ابو سے ڈانٹ بھی پڑے گی #امپورٹڈ_حکومت_نامنظور

— Ch Fawad Hussain (@fawadchaudhry) May 19, 2022

فواد چوہدری نے چیئرمین پیپلزپارٹی اور وزیرخارجہ بلاول بھٹو زرداری کو مخاطب کرتے ہوئے کہا کہ بلاول کو مشورہ ہے کہ وہ غیر ملکی دوروں سے آج کل میں ہی وطن واپس آجائیں، یہ نہ ہو آپ کو واپسی کا کرایہ اپنی جیب سے دینا پڑے، پھر ابو سے ڈانٹ بھی پڑے گی۔

سابق وفاقی وزیر نے کہا کہ 5 حکومتی صحافیوں نے جس طرح ایف آئی اے کو استعمال کیا وہ ہمارے دل اور ذہن میں نقش ہے، جونہی یہ دور بدلے گا جن بچوں کو اس ظلم اور تکلیف سے دوچار کیا گیا انہیں اپنے ساتھ ہونے والی زیادتی کا مداوا کرنے کا موقع ملے گا۔

پانچ حکومتی صحافیوں نے جس طرح FIA کو استعمال کیا وہ ہمارے دل اور ذہن میں نقش ہے انشاللہ جونہی یہ دور بدلے گا جن بچوں کو اس ظلم اور تکلیف سے دوچار کیا گیا انھیں اپنے ساتھ ہونیوالی زیادتی کا مداوا کرنے کا موقع ملے گا ۔۔۔ #امپورٹڈ_حکومت_نامنظور https://t.co/359uoy7W8f

— Ch Fawad Hussain (@fawadchaudhry) May 19, 2022