حکومت کئی ماہ سے 23 اداروں کے سربراہ مقرر نہ کرسکی

ان اداروں کے سربراہ کئی مہینوں سے تعینات نہیں ہیں لیکن حکومت نے تاحال تقرری نہیں کی۔ فوٹو فائل

---

وفاقی حکومت کے زیر انتظام 23آئینی خود مختار ادارے اور سرکاری کارپوریشنیں سربراہان کے بغیرکام کررہی ہیں۔

ان اداروں کے سربراہ کئی مہینوں سے تعینات نہیں ہیں لیکن حکومت نے تاحال تقرری نہیں کی۔ سپریم کورٹ کے حکم پر وفاقی حکومت نے جو رپورٹ دی اس کے مطابق جو عہدے خالی ہیں ان میں چیف الیکشن کمشنر، چیئر مین ہائر ایجوکیشن کمیشن، چیئرمین ایکسپورٹ پراسیسنگ زون اتھارٹی، چیئرمین فیڈرل بورڈآف انٹر میڈیٹ اینڈ سیکنڈری ایجو کیشن، ڈائریکٹر جنرل پاکستان انسٹی ٹیوٹ آف مینجمنٹ، چیئر مین کراچی پورٹ ٹرسٹ، چیف ایگزیکٹو پاکستان نیشنل کونسل آف آرٹس(پی این سی اے)اور دیگر عہدے شامل ہیں ۔