کراچی: پاکستان تحریک انصاف کے چیئرمین عمران خان نے پنجاب کابینہ میں شامل ہونے والے وزرا کیلیے مشکل ہدف مقرر کردیا۔

وزیراعظم عمران خان نے کہا کہ پنجاب کابینہ میں جو بھی شامل ہوا اسے 14 گھنٹے ڈیوٹی کرنی ہوگی اور انہیں ہفتے کے تمام 7 دن کام کرنا ہوگا، کوئی چھٹی نہیں ملے گی۔

پی ٹی آئی چیئرمین نے کہا کہ وزرا کو اپنے محکموں کے امورپرمکمل گرفت رکھ کر کام کرنا ہوگا ، پچھلی وفاقی اور صوبائی کابینہ میں کچھ وزرا نے کارکردگی کے حوالے سے بہت کمزوری دکھائی۔

مزید پڑھیں: آئندہ 6 سے 8 ہفتوں میں عام انتخابات کا اعلان ہوسکتا ہے، عمران خان

انہوں نے کہا کہ ناتجربہ کار ہونے کی وجہ سے کچھ وزراء کو بیوروکریسی نے تنگ کیا۔