چند سال میں ہالی ووڈ نے حیران کن ترقی کی سعید رضوی

جدید ٹیکنالوجی نے فلموں کونئی زندگی دی،ہمیں وہاں تک پہنچنے کیلیے بہت محنت کرنا ہوگی، سعید رضوی. فوٹو: فائل

---

سینئر ہدایت کار اور وویژل افیکٹ کرئیٹر سعید رضوی جو ان دنوں امریکا کے دورے پر ہیں نے فون پر گفتگو کرتے ہوئے کہا میں چند سال قبل جب ٹرینگ مکمل کرکے واپس گیا تھا تو اس وقت اور اب بہت نمایاں فرق نظر آیا ہے ۔

گزشتہ چند سال میں ہالی ووڈ فلم انڈسٹری نے جس تیزی سے ترقی کی ہے وہ بہت حیران کن ہے جس ٹیکنالوجی کے بارے میں کبھی سوچا بھی نہیں گیا تھا آج وہ وہاں موجود ہے ہالی ووڈ اسٹوڈیو میں نت نئے تجربات کیے جارہے ہیں اب مقابلہ جدید ٹیکنالوجی حاصل کرنے کا ہے جو بھی فلمیں بن رہی ہیں وہ ایک دوسرے سے سبقت لے جانے کی کوشش میں مصروف ہیں انھوں نے کہا جلد ٹرینگ ورکشاپ کا آغاز ہوگا تو مزید معلومات حاصل ہوں گی ہمیں اس ٹیکنالوجی کے حصول کے لیے ضرور کوشش کرنی چاہیے۔