ایچ ای سی کا کردار محدود اہم عہدے ختم کرنے کا فیصلہ

نئے این ایف سی ایوارڈ تک اعلیٰ تعلیم اور پاپولیشن ویلفیئر کی فنڈنگ وفاقی حکومت کریگی۔ فوٹو: فائل

---

وفاقی حکومت نے اپریل 2011 میں مشترکہ مفادات کونسل کے اجلاس میں کیے گئے فیصلے کی روشنی میں ہائر ایجوکیشن کمیشن کے کردار کو محدود اور کئی اہم پوسٹوں کو ختم کرنے پر غور شروع کردیا ہے۔

ذرائع کے مطابق اپریل 2011 میں مشترکہ مفادات کونسل کے اجلاس میں فیصلہ کیاگیا تھا کہ نئے این ایف سی ایوارڈ تک اعلیٰ تعلیم اور پاپولیشن ویلفیئر کی فنڈنگ وفاقی حکومت کریگی، جس کی مدت رواں سال ختم ہورہی ہے۔ اسی تناظر میں سندھ حکومت نے صوبائی ایچ ای سی کے قیام کے بعد اٹھارویں ترمیم کی روشنی میں کام شروع کردیا ہے۔