ضلع خیبر میں پہلی بار لڑکیوں کیلیے سائیکلنگ کیمپ کا انعقاد
کیمپ کا انعقاد معروف سائیکلسٹ ثمر خان نے اپنی مدد آپ کے تحت کیا، پہلے ہی روز کئی لڑکیوں نے سائیکل چلانا سیکھ لی
خیبرپختونخوا کے قبائلی ضلع خیبر کی تاریخ میں پہلی بار لڑکیوں کیلیے سائیکلنگ کیمپ کا انعقاد کیا گیا جس میں اسکول جانے والے لڑکیوں کو سائیکل چلانا سکھائی گئی۔
خیبرپختونخو کے ضم قبائلی ضلع خیبر میں بین الاقوامی شہرت یافتہ پاکستانی خاتون سائیکلسٹ ثمر خان نے کیمپ کا انعقاد کیا گیا، جس میں لڑکیوں کو سائیکل چلانے کی تربیت اور اس کے فوائد بتائے گئے۔
ثمر خان کے مطابق وہ لڑکیوں کو سائیکل سکھانے کے لیے ثمر کیمپ کے نام سے ٹریننگ کیمپ لگاتی ہیں۔ وہ اب تک ایبٹ آباد پشاور اور دیگر علاقوں میں سائیکلنگ کیمپ لگاچکی ہے اور اس بار لنڈی کوتل میں سائیکلنگ کیمپ لگایا، جس میں 15 سکول کی لڑکیوں نے سائیکلنگ میں شرکت کی۔
انہوں نے بتایا کہ پہلے ہی روز کئی لڑکیوں نے سائیکل چلانا سیکھ لی، اپنی مدد آپ کے تحت وہ ثمر کیمپ چلا رہی ہیں، لڑکیوں کو آگا آنا چاہیے کھیلوں میں حصہ لینا چاہیے سائیکل ایک اسپورٹس ہی نہیں ضرورت بھی ہے، ان علاقوں میں لڑکیاں کئی کلومیٹر پیدل سفر طے کرکے اسکول جاتی ہیں انھیں سائیکل سیکھ کر اسکول جانے کی سہولت بھی ہوگی۔
ثمر خان نے بتایا کہ سائیکلنگ کیمپ کے لیے انہوں نے 10 سائیکل خریدیں اور وہاں چھوڑ دیں تاکہ لڑکیاں سائیکلنگ سیکھ سکیں۔