سلمان خان طویل عرصہ بعد موسیقی کی دنیا میں واپس آگئے

اب ایک بار پھر سے گائیکی کے میدان میں پوری تیاری کے ساتھ آیا ہوں،سلمان۔ فوٹو : فائل

---

گلوکار سلمان خان طویل عرصہ بعد میوزک انڈسٹری میں واپس آگئے ہیں۔

سلمان خان جو ان دنوں دبئی سے پاکستان آئے ہوئے ہیں ان کے گلوکار شاہ زمان کے ساتھ 2005ء میں ریلیز ہونیوالے آڈیو البم''V2'' کے ایک گانے ''تیرے نام '' کا وڈیو بھی آن ائیر ہوا تھا۔سلمان خان نے بتایا کہ جب یہ البم مارکیٹ میں آیا تو واپس دبئی چلا گیا ، جس کا مجھے کافی نقصان ہوا۔مگر اب ایک بار پھر سے گائیکی کے میدان میں پوری تیاری کے ساتھ آیا ہوں ، ان دنوں نئے البم پر پیپرورک ہورہا ہے ۔اس کے لیے ایک گانا ایک وڈیو مارکیٹ میں لانچ کیا جائیگا۔