اسلام آباد بلدیاتی انتخابات حکومت اور الیکشن کمیشن کی درخواستوں پر پیر کو بھی سماعت نہیں ہوگی

دوسری جانب اسلام آباد کے بلدیاتی انتخابات کا معاملہ مزید لٹک گیا، ہائی کورٹ کے رجسٹرار آفس نے پیر دو جنوری کی کازلسٹ جاری کر دی جس میں وفاقی حکومت اور الیکشن کمیشن کی جانب سے دائر درخواستوں کو سماعت کیلیے مقرر نہیں کیا گیا۔

علاوہ ازیں پی ٹی آئی کی الیکشن کمیشن کے خلاف توہین عدالت درخواست بھی مقرر نہ ہوسکی، سنگل بنچ میں الیکشن کرانے کا فیصلہ دینے والے جج بھی آئندہ ہفتے رخصت پر ہونگے۔

دوسری جانب جماعت اسلامی کے وکیل حسن جاوید شورش نے کہا کہ جماعت اسلامی پیر کو توہین عدالت کی درخواست دائر کرے گی۔

واضح رہے کہ اسلام آباد میں بلدیاتی انتخابات آج ہونے تھے جنہیں الیکشن کمیشن نے غیر معینہ مدت تک ملتوی کردیا تھا۔ تاہم اسلام آباد ہائی کورٹ نے الیکشن کمیشن کا فیصلہ معطل کرتے ہوئے الیکشن آج ہفتے کو ہی کرانے کا حکم دیا۔

یہ بھی پڑھیں: اسلام آباد میں بلدیاتی انتخابات کیلیے پولنگ شروع نہ ہوسکی

اسلام آباد ہائی کورٹ کے حکم کے باجود شہر میں بلدیاتی انتخابات کے لیے پولنگ شروع نہیں ہوسکی۔