گوادر کو بجلی کی فراہمی قیمت پربات چیت کیلیے ایرانی وفد آئیگا

معاہدے کے بعد گوادر کو اگلے ماہ بجلی مل جائے گی، گوادر پرو۔ فوٹو: سی پیک

---

گوادر کو بجلی کی فراہمی کیلیے ایران کے پاور ڈویژن کا وفد گوادر آئے گا۔

ایران سے گوادر کو 100 میگاواٹ بجلی کی فراہمی کے معاہدے کو حتمی شکل دینے کیلیے ایران کے پاور ڈویژن کا وفد گوادر پہنچ رہا ہے۔

گوادر پرو کے مطابق وفد کوئٹہ الیکٹرک سپلائی کمپنی (کیسکو )اور نیشنل ٹرانسمیشن اینڈ ڈسپیچ کمپنی(این ٹی ڈی سی) کے حکام سے رہائشی اور تجارتی مقاصد کے لیے بجلی کی فی یونٹ قیمت پر بات چیت کرے گا۔ معاہدے کے بعد گوادر کو اگلے ماہ بجلی مل جائے گی۔