امریکا میں پاکستانی ہم وطن فنکاروں سے محبت کرتے ہیںکاشف خان

دورہ کامیاب رہا لوگوں کی بڑی تعدادشوز میں شریک ہوئی،بھارت سے بھی آفر ہے،فنکار فوٹو: فائل

---

مزاحیہ اداکار کاشف خان امریکا کا دورہ مکمل کرکے وطن واپس پہنچ گئے ہیں ۔

گزشتہ روز ایک تقریب میں ''ایکسپریس'' سے بات چیت کرتے ہوئے انھوں نے کہا کہ میرا امریکا آنا جانا رہتا ہے میں جب بھی امریکا گیا مجھے پہلے سے زیادہ محبت ملی، کیونکہ امریکا میں مقیم پاکستانی فنکاروں سے بہت محبت کرتے ہوئے وہ ہمیشہ پاکستان سے آئے فنکاروں کا شاندار استقبال کرتے ہوئے ہونیوالے شوز میں بھر پور شرکت کرتے ہیں، حالیہ دورہ امریکا اس لحاظ سے بہت کامیاب رہا کہ اس مرتبہ ہونیوالے شوز میں لوگوں نے بہت بڑی تعداد میں شرکت کی۔

کاشف خان نے کہا کہ انڈیا سے بھی شوز کی آفر ہے لیکن وہاں کیونکہ انتخابات ہورہے ہیں،اس صورتحال میں جانا ممکن نہیں جب نئی بھارتی حکومت تشکیل پائے گی اس کے بعد معلوم ہوگا کہ بھارتی نئی حکومت کی پالیسی کیا ہے اور وہ کس حد تک پاکستان کے ساتھ تعلقات بہتر بنانے میں دلچسپی رکھتے ہیں،انھوں نے کہا کراچی میں ثقافتی سرگرمیاں اس وقت عروج پر ہیں جو بہت خوش آئند ہے ہم سب کی خواہش ہے شہر کے حالات جلد سے جلد بہتر ہوجائیں اور پھر سے یہ شہر روشنیوں کا شہر بن جائے۔