ماضی میں بنائی جانیوالی فلمیں آج بھی مشہور ہیں ندیم

نوجوانوں نے ایک بار پھر ثابت کردیا کہ وہ معیاری فلم بناسکتے ہیں، گفتگو فوٹو: فائل

---

سینئیر اداکار ندیم نے کہا ہے کہ ہر شعبہ میں مشکل وقت آتا ہے اور وہی لوگ جو ان چیلنج کا مقابلہ کرتے ہیں وہی کامیاب بھی ہوتے ہیں۔

ہمارے ملک میں بے پناہ ٹیلنٹ موجود ہے جس نے ماضی میں بھی اور آج بھی ثابت کیا کہ وہ بہت اچھا کام کرنا جانتے ہیں ان ہی نوجوانوں ایک بار پھر ثابت کردیا کہ وہ بہترین سوچ رکھتے ہیں وہ اچھی اور معیاری فلمیں بنانے کا فن جانتے ہیں۔

یہ بات انھوں نے ایک انٹرویو کے دوران کہی۔ ندیم کا کہنا تھا کہ پاکستان کی فلمی صنعت کی تاریخ موجود ہے جب پاکستان میں اچھی معیاری اور بہترین فلمیں بنائی گئیں جنھوں نے عوام میں زبرست مقبولیت حاصل کی وہ آج بھی عوام کے ذہنوں میں موجود ہیں اب اگر کچھ عرصہ سے ہم مشکلات سے دور چار ہیں تو یہ وقت بھی گزر جائے گا۔