سپریم کورٹ میں 26 ہزار 716 مقدمات التوا کا شکار

گزشتہ عدالتی سال کے دوران11423کیسزکا فیصلہ ہوا، 12902نئے مقدمات دائر ہوئے۔ فوٹو: فائل

---

سپریم کورٹ میں 26 ہزار 716 مقدمات زیرالتواء ہیں ۔

ان مقدمات میں21511عام اور حقوق انسانی سے متعلق 5205 ہیں ۔ گزشتہ عدالتی سال یکم ستمبر 2011ء سے31اگست 2012ء کے دوران سپریم کورٹ میں12902نئے مقدمات دائرہوئے جبکہ اس دوران 11423مقدمات کا فیصلہ ہوا ۔ سپریم کورٹ میںبیس ہزارسے زائد عام مقدمات پہلے سے زیرالتوا تھے ۔ گزشتہ عدالتی سال کے دوران اسلام آباد مرکزی سیٹ پر 6757نئے مقدمات داخل ہوئے جبکہ 6227 مقدمات کا فیصلہ کیا گیا ۔

لاہور رجسٹری میں 4315نئے مقدمات کا اندارج ہوا اور 4296کافیصلہ ہوا ۔ کراچی میں گزشتہ عدالتی سال یکم ستمبر 2011ء سے اکتیس اگست 2012ء تک 647 مقدمات دائرہوئے اور 594کیس نمٹائے گئے ۔ پشاور رجسٹری میں 833نئے مقدمات دائر ہوئے اور492مقدمات کا فیصلہ ہوا ۔ کوئٹہ رجسٹری میں 350 مقدمات دائر ہوئے اور 230 کیس نمٹائے گئے ۔ گزشتہ عدالتی سال کے دوران سپریم کورٹ کے حقوق انسان سیل نے 43458 درخواستیں موصول کیں جن میں سے 38253 درخواستیں نمٹائی گئیں۔