ہارون رشید نے ٹیم کی سلیکشن کو چیلنج قرار دے دیا

شاہین شاہ آفریدی کوورلڈکپ سے پہلے جتنی کرکٹ کھیلنے کو ملے بہتر ہوگا (فوٹو: کرک انفو)

---

چیف سلیکٹر ہارون رشید نے پاکستانی ٹیم کی سلیکشن کو چیلنج قرار دیدیا۔

پاکستان کرکٹ کی سب سے بڑی ویب سائٹ www.cricketpakistan.com.pkکو خصوصی انٹرویو میں چیف سلیکٹر ہارون رشید نے کہا کہ ٹیم کا انتخاب کرتے ہوئے حریف اور کنڈیشنز کو پیش نظر رکھا جاتا ہے،ہم کپتان اور ٹیم مینجمنٹ کی مشاورت سے کھلاڑیوں کا انتخاب کرتے ہیں۔

انہوں نے کہا کہ سری لنکا سے ٹیسٹ سیریز کیلیے متوازن اسکواڈ منتخب کیا گیا، پاکستانی بیٹنگ لائن مضبوط ہے، ہمیں صرف بابر اعظم پر انحصار نہیں کرنا، محمد رضوان، شان مسعود، امام الحق،سعود شکیل، عبداللہ شفیق ہر قسم کی کنڈیشنز میں رنز بنانے کی اہلیت رکھتے ہیں،سب کو اپنا کردار نبھاناہے۔

یہ بھی پڑھیں: سری لنکا کے خلاف ٹیسٹ سیریز کیلئے پاکستانی کرکٹ ٹیم کا اعلان

ہارون رشید نے کہا کہ نوجوان محمد حریرہ نے خود کو سلیکشن کا اہل ثابت کیا، خوش آئند امرہے کہ کافی نئے کھلاڑی سامنیآرہے ہیں، سب کو ایک ساتھ نہیں آزمایا جاسکتا۔

انھوں نے کہا کہ شاہین شاہ آفریدی کوورلڈکپ سے پہلے جتنی کرکٹ کھیلنے کو ملے بہتر ہوگا، میگا ایونٹ میں مکمل فٹ اور ردھم میں بولنگ کرنے والے پیسر نمایاں فرق ثابت ہوسکتے ہیں، ہمیں حسن علی کے تجربے سے فائدہ اٹھانا چاہتے ہیں، نسیم شاہ نے غیرمعمولی کارکردگی سے خود کو ہر طرز کی کرکٹ میں منوایاہے، عامر جمال پیس بولنگ کے ساتھ بیٹنگ میں بھی اچھا پرفارم کر سکتے ہیں۔

مزید پڑھیں: پاکستان، سری لنکا کے درمیان ٹیسٹ سیریز کا مجوزہ شیڈول سامنے آگیا

چیف سلیکٹر کا کہنا تھا کہ ہمارے پاس نعمان علی،محمد نواز اور ابرار کے صورت میں کوالٹی اسپن اٹیک بھی موجود ہے، اگرپلان کے مطابق پرفارم کریں تو ٹیسٹ سیریز میں سری لنکا کو ہراسکتے ہیں۔

ہارون رشید نے کہا کہ فیوچر ٹورز پروگرام میں کم ٹیسٹ میچز میسر ہیں، اگر تعداد بڑھ جائے تو پاکستان ٹیم کی کارکردگی کا گراف مزید اونچا جاسکتاہے، ایشیا کپ اور ورلڈکپ کیلیے ایسا کمبی نیشن ترتیب دیں گے جو فائنل تک پہنچ سکے۔