خیبرپختونخوا کے علاقے حیات آباد سے پولیس نے مشکوک افغان باشندے کو گرفتار کیا ہے جس کے قبضے سے حساس ادارے کی وردی اور اسلحہ برآمد ہوا ہے۔

خیبرپختونخوا پولیس کے مطابق پشاور حیات آباد میں ناکہ بندی کے دوران اہلکاروں نے گاڑی کو روکنے کی کوشش کی تو ڈرائیور نے گاڑی بھگا دی جس کے بعد پولیس نے پیچھا کر کے اُسے روکا۔

تلاشی لینے پر گاڑی میں سے حساس ادارے کی وردی، اسلحہ، شراب کی بوتلیں، منشیات اور جعلی نمبر پلیٹس برآمد ہوئیں۔

پولیس کے مطابق گرفتار ملزم کی شناخت تمیم کے نام سے ہوئی جو افغان باشندہ ہے، ملزم کے خلاف مقدمہ درج کر کے تفتیش شروع کردی گئی ہے جس میں اہم انکشافات کا امکان ہے۔