پرویز الٰہی کی درخواست ضمانت سپریم کورٹ میں سماعت کیلیے مقرر

فوٹو فائل

---

سابق وزیراعلیٰ پنجاب اور پاکستان تحریک انصاف کے صدر پرویز الہیٰ کی درخواست ضمانت کو سپریم کورٹ نے 16 اگست کی سماعت کیلیے مقرر کرلیا۔

سپریم کورٹ نے سابق وزیراعلیٰ پنجاب چوہدری پرویز الٰہی کی درخواست ضمانت سماعت کیلئے مقرر کردی۔

رجسٹرار کی جانب سے جاری اعلامیے کے مطابق پرویز الٰہی کی درخواست ضمانت پر جسٹس اعجازالاحسن کی سربراہی میں تین رکنی بینچ 16 اگست کو سماعت کرے گا، بینچ میں جسٹس جمال مندو خیل اور جسٹس شاہد وحید بھی شامل ہیں۔

چوہدری پرویز الہٰی نے سپریم کورٹ سے لاہور ہائیکورٹ کے ڈویژن بینچ کا سترہ جولائی کا فیصلہ کالعدم قرار دینے کی استدعا کر رکھی ہے۔