بیوی پر جھگڑے کے دوران کلاشنکوف اٹھانے والا ملزم گرفتار
پولیس کی مدعیت میں مقدمہ درج کر کے ملزم کو گرفتار کرلیا گیا، واقعے کی ویڈیو سوشل میڈیا پر وائرل ہوئی تھی
پنجاب پولیس نے جھگڑے کے دوران بیوی پر کلاشنکوف تاننے والے شخص کو گرفتار کرلیا۔
پولیس ترجمان کے مطابق ملزم نے گھر میں جھگڑے کے دوران بیوی پر کلاشنکوف لوڈ کر کے تانی تھی جس کی ویڈیو سوشل میڈیا پر وائرل ہوئی۔
ایس ایچ او عمران خان نے بتایا کہ ایک روز قبل واقعے کی ویڈیو وائرل ہوئی جس کے بعد ملزم کے خلاف مقدمہ جنوبی چھاؤنی تھانے میں پولیس کی مدعیت میں مقدمہ درج کیا گیا۔
انہوں نے بتایا کہ مقدمہ درج کرنے کے بعد پولیس نے ملزم کو گرفتار کر کے قانونی کارروائی کا آغاز کردیا۔