لاہور میں سابق شوہر کا گھر میں گھس کر خاتون پر تشدد ویڈیو وائرل

پولیس نے واقعہ سے متعلق کارروائی شروع کردی:فوٹو:اسکرین گریب

---

لاہور میں خاتون کو سابق شوہر نے تشدد کا نشانہ بنا ڈالا۔

لاہور کے علاقے مانگا منڈی میں خاتون پر ان کے سابق شوہر کے تشدد کی ویڈیو سامنے آگئی۔ ملزم نے شادی کے بعد مکان خاتون کے حوالے کیا تھا اور طلاق ہونے پر ملزم مکان واپس ہتھیانا چاہتا تھا۔

سوشل میڈیا پر وائرل ویڈیو میں دیکھا جا سکتا ہے کہ سابق شوہر پہلے گھر میں گھس کر خاتون پر تشدد کیا اور پھر گلی میں لا کر بھی خاتون کو تشدد کا نشانہ بناتا رہا۔ پولیس نے ویڈیو سامنے پرقانونی کارروائی شروع کردی۔

 

[video width="480" height="832" mp4="https://c.express.pk/2023/10/woman-torture-1698313888.mp4"][/video]

خاتون پر تشدد کے دوران محلے کے لوگ گھروں کی چھت سے تماشا دیکھتے رہے اور ویڈیو بناتے رہے تاہم کسی نے بھی ملزمان کو روکنے کی کوشش نہیں کی۔

دوسری جانب سی سی پی او لاہور بلال صدیق کمیا نہ نے خاتون پر تشدد کی خبر کا نوٹس لیتے ہوئے ایس پی صدر کو فوری معاملے کی جانچ کا حکم دیدیا ۔ انہوں نے ہدایت کی کہ خاتون کی درخواست کا فی الفور جائزہ لیا جائے اور خاتون کو مکمل تحفظ فراہم کیا جائے۔ ملزمان کے خلاف مقدمہ درج کرکے شفاف تحقیققات کی جائیں۔