’’ایکسپریس نیوز‘‘ کا نیا پروگرام ’’میڈیا آزاد ہے‘‘ آج سے شروع ہوگا

حالات حاضرہ اور میڈیا کا بحران جیسے موضوعات کے ساتھ عوام کو عمدہ تفریح بھی ملے گی۔ فوٹو : ایکسپریس

---

KARACHI: ایکسپریس انٹرٹینمنٹ اور نیوز کی جانب سے بے شمار پروگرام ناظرین کی توجہ کا مرکز بنیں جنھیں ہمیشہ پزیرائی ملی۔

ایکسپریس میڈیا گروپ کی ہمیشہ کوشش رہی کہ اپنے ناظرین کو بہترین تفریح پروگام کے ساتھ معلومات بھی فراہم کریں۔ آج سے شروع ہونے والے ایکسپریس نیوز کا پروگرام ''میڈیا آزاد ہے'' بھی اسی سلسلے کی ایک کڑی ہے جس کا ناظرین کو بہت شدت سے انتظار ہے، یہ پروگرام دو روز ہفتہ اور اتوار رات 11 بجے ٹیلی کاسٹ کیا جائے گا، اس سلسلے کا پہلا پروگرام آج ٹیلی کاسٹ کیا جارہا ہے۔

نامور پاکستانی اینکر فہد چوہدری، مصطفی چوہدری اور فیصل قریشی اس پروگرام کے میزبان ہوں گے ۔ اس پروگرام کو فیصل چوہدری نے تحریر کیا ہے، پروگرام میں سنجیدہ مزاح کے ساتھ کھیل، حلات حاضرہ، سماجی سیاسی مسائل، میڈیا کے بحران جیسے موضوعات کے ساتھ عمدہ تفریح بھی ملے گی۔