روحانی دوست

علم الاعداد کی روشنی میں آپ کا یہ ہفتہ فوٹو : فائل

---

صائم المصطفے صائم
واٹس اپ (0333-8818706)
فیس بک (Saim Almustafa Saim)

علمِ الاعداد سے نمبر معلوم کرنے کا طریقہ:
دو طریقے ہیں اور دونوں طریقوں کے نمبر اہم ہیں۔
اول تاریخ پیدائش دوم نام سے!
اول طریقہ تاریخ پیدائش:
مثلاً احسن کی تاریخ پیدائش 12۔7۔1990 ہے۔
ان تمام اعداد کو مفرد کیجیے، یعنی باہم جمع کیجیے:
1+2+7+1+9+9=29
29 کو بھی باہم جمع کریں (2+9) تو جواب 11 آئے گا۔
11 کو مزید باہم جمع کریں (1+1)
تو جواب 2 آیا یعنی اس وقت تک اعداد کو باہم جمع کرنا ہے جب تک حاصل شدہ عدد مفرد نہ نکل آئے۔ پس یعنی آپ کا لائف پاتھ عدد/نمبر ہے۔
گویا تاریخ پیدائش سے احسن کا نمبر 2 نکلا۔
اور طریقہ دوم میں:
سائل، سائل کی والدہ، اور سائل کے والد ان کے ناموں کے اعداد کو مفرد کیجیے
مثلاً نام ''احسن '' والدہ کا نام '' شمسہ'' والد کا نام '' راشد۔''
حروفِ ابجد کے نمبرز کی ترتیب یوں ہے:
1 کے حروف (ا،ء ،ی،ق،غ) ، 2 کے حروف (ب،ک،ر) ، 3 کے حروف (ج،ل،ش) ، 4 کے حروف (د،م،ت) ، 5 کے حروف(ہ،ن،ث) ، 6 کے حروف (و،س،خ) ، 7 کے حروف (ز،ع،ذ) ، 8 کے حروف (ح،ف،ض) ، 9 کے حروف (ط،ص،ظ) ، احسن کے نمبر (1،8،6،5)
تمام نمبروں کو مفرد کردیں:(1+8+6+5=20=2+0= 2 )
گویا احسن کا نمبر2 ہے۔ایسے ہی احسن کی والدہ ''شمسہ'' کا نمبر9 اور والد راشد کا نمبر1 بنتا ہے۔
اب ان تینوں نمبروں کا مفرد کرنے پر ہمیں احسن کا ایکٹیو یا لائف پاتھ نمبر مل جائے گا:
(2+9+1=12=1+2=3)
گویا علم جفر کے حساب سے احسن کے نام کا نمبر 3 نکلا!

علم الاعداد کی روشنی میں آپ کا یہ ہفتہ

11 تا 17 مارچ 2024
پیر 11 مارچ 2024
آج کا حاکم عدد 6 ہے۔ ایک خوب صورت دن جو زہرہ اور قمر کا امتزاج ہے۔ کچھ احباب کے لیے آج کا دن ہمیشہ کے لیے یادگار ہونے والا ہے۔آپ کی تاریخ پیدائش میں اگر 1،4،5،6،8 اور9 خصوصاً 9کا عدد یا پیدائش کا دن منگل ہے یا نام کا پہلا حرف ص، ط یا ظ ہے تو آج کا دن آپ کے لیے بہتر دن ہوسکتا ہے۔لیکن اگر آپ کی تاریخ پیدائش میں 2،3 اور7خصوصاً 2 کا عدد یا پیدائش کا دن پیر ہے یا نام کا پہلا حرف ب،ک یا ر ہے تو آپ کے لیے اہم اور کچھ مشکل بھی ہوسکتا ہے۔
صدقہ: 20 یا 200 روپے، سفید رنگ کی چیزیں، کپڑا، دودھ، دہی، چینی یا سوجی کسی بیوہ یا غریب خاتون کو بطورِِصدقہ دینا ایک بہتر عمل ہوگا۔
اسمِ اعظم ''یارحیم، یارحمٰن، یااللہ'' 11 بار یا 200 بار اول وآخر 11 بار درودشریف پڑھنا بہتر ہوگا۔

منگل 12 مارچ 2024
آج کا حاکم عدد 5 ہے۔سفر، رابطے، میل ملاقات اور مطالعے کے لیے ایک معاون دن ہے۔ وہ فیصلے جن کی اشد ضرورت ہے کرنا پڑ سکتے ہیں۔اگر آپ کی تاریخ پیدائش میں 1،2،5،6،7 اور9 خصوصاً 9کاعدد ہے یا آپ کی پیدائش کا دن 1 ہے یا نام کا پہلا حرف ا، ی یا غ ہے تو آپ کے لیے آج کا دن کافی حد تک بہتری لائے گا۔لیکن اگر آپ کی تاریخ پیدائش میں 3،4 اور8 خصوصاً 8 یا پیدائش کا دن ہفتہ ہے یا نام کا پہلا حرف ح، ف یا ض ہے تو آپ کے لئے کچھ مشکل ہوسکتی ہے۔
صدقہ: 90 یا 900 روپے، سرخ رنگ کی چیزیں ٹماٹر، کپڑا، گوشت یا سبزی کسی معذور سیکیوریٹی سے منسلک فرد یا اس کی فیملی کو دینا بہتر عمل ہوگا۔
وظیفۂ خاص ''یاغفار، یاستار، استغفراللہ العظیم'' 9 یا 90 بار اول وآخر11 بار درودشریف پڑھنا بہتر ہوگا۔

بدھ 13 مارچ 2024
آج کا حاکم عدد2 ہے۔کچھ باتیں اور رویے آپ کے دل کو اداس کرسکتے ہیں لیکن کوشش کریں کہ زیادہ سوچوں کا شکار نہ ہوں ۔1،3،4،5،8اور9 خصوصاً 4 کا عدد یا پیدائش کا دن اتوار ہے یا نام کا پہلا حرف ت،د یا م ہے تو آپ کے لیے آج دن کافی بہتر ہوسکتا ہے۔لیکن اگر آپ کی تاریخ پیدائش میں 2،6 اور7 خصوصاً 6 یا پیدائش کا دن جمعہ یا نام کا پہلا حرف و،س یا خ ہے تو کچھ معاملات میں رکاوٹ اور پریشانی کا اندیشہ ہے
صدقہ '' زردرنگ کی چیزیں یا 50 یا 500 روپے کسی مستحق طالب علم یا تیسری جنس کو دینا بہتر ہے، تایا، چاچا، پھوپھی کی خدمت بھی صدقہ ہے۔
وظیفۂ خاص ''یاخبیرُ، یاوکیلُ، یااللہ'' 41 بار اول و آخر 11 بار درودشریف پڑھنا مناسب عمل ہوگا۔

جمعرات 14مارچ 2024
آج کا حاکم عدد1 ہے۔شہرت، عزت اور ایسے کام جن میں قائدانہ صلاحیتوں کا استعمال ہوسکتا ہو، کے لیے موزوں دن ہے۔اگر آپ کی تاریخ پیدائش میں1،2،4،5،6 اور9 خصوصاً 5کا عدد یا پیدائش کا دن بدھ ہے یا نام کا پہلا حرف ہ،ن یا ث ہے تو آپ کے لیے بہتر دن ہے۔لیکن اگر آپ کی تاریخ پیدائش میں 3،7 اور8 خصوصاً 7 کا عدد یا پیدائش کا دن پیر ہے یا نام کا پہلا حرف ع، ز یا ذ ہے تو اندیشہ ہے کہ کچھ امور میں آپ کو مشکل ہوسکتی ہے۔
صدقہ ''میٹھی چیز، 30 یا 300 روپے کسی مستحق نیک شخص کو دینا بہتر عمل ہوسکتا ہے، مسجد کے پیش امام کی خدمت بھی احسن صدقہ ہے۔''
وظیفۂ خاص ''سورۂ فاتحہ، 7 بار یا یاقدوس، یاوھابُ، یا اللہ'' 21 بار اول و آخر 11 بار درودشریف پڑھنا بہتر عمل ہوگا

جمعہ 15مارچ 2024
آج کا حاکم عدد 5 ہے۔غوروفکر، خود احتسابی اور مطالعے کے لیے ایک موزوں دن ہے، ایسے وقت میں دوستوں کے لیے تبادلہ خیالات بھی موزوں ہوگا۔اگر آپ کی تاریخ پیدائش میں 1،2،5،6،7 اور9 خصوصاً 1 کا عدد یا پیدائش کا دن اتوار ہے یا نام کا پہلا حرف ا،ی یا غ ہے تو آپ کے لیے بہتری کی امید ہے۔لیکن اگر آپ کی تاریخ پیدائش 3،4 اور8 کا عدد خصوص 8 یا پیدائشی دن ہفتہ یا جن کے نام کا پہلا حرف ح،ف یا ض ہے تو آپ کو محتاط رہنے کا مشورہ ہے
صدقہ''60 یا 600 روپے یا 600 گرام یا6 کلو چینی۔ سوجی یا کوئی جنس کسی بیوہ کو دینا بہترین عمل ہوسکتا ہے۔
وظیفۂ خاص ''سورۂ کہف یا یاودود، یامعید، یااللہ'' 11 بار ورد کرنا بہتر ہوگا۔

ہفتہ 16مارچ 2024
آج کا حاکم عدد 8 ہے۔جو کام ایک عرصے سے نامکمل تھے مکمل ہوسکتے ہیں ، مستقل مزاجی سے کاموں ڈٹے رہنے کی ضرورت ہے۔اگر آپ کی تاریخ پیدائش میں 2،3،4،6،7 اور8 خصوصاً 7کا عدد یا پیدائشی دن پیر یا نام کا پہلا حرف ع،ز یا ذ ہے تو آپ کے لیے ایک اچھا دن ہوسکتا ہے۔لیکن اگر آپ کی تاریخ پیدائش میں 1،5 اور9 خصوصاً 5 کا عدد یا پیدائشی دن بدھ یا نام کا پہلا حرف ہ،ن یا ث ہے تو آپ کو محتاط رہنے کا مشورہ ہے۔
صدقہ: 80 یا800 روپے یاکالے رنگ کی چیزیں کالے چنے، کالے رنگ کے کپڑے سرسوں کے تیل کے پراٹھے کسی معذور یا عمررسیدہ مستحق فرد کو دینا بہتر عمل ہوسکتا ہے۔وظیفۂ خاص ''یافتاح، یاوھابُ، یارزاق، یااللہ'' 80 بار اول و آخر 11 بار درودشریف کا ورد بہتر عمل ہوگا۔

اتوار 17مارچ 2024
آج کا حاکم نمبر 2 ہے۔ایوانِ اقتدار میں مسندنشینوں میں ردوبدل ہوسکتا ہے۔ ایسا کچھ کہ جو دل آزاری کا سبب ہو، ہوسکتا ہے۔اگر آپ کی تاریخ پیدائش میں 1،3،4،5،8 اور9 خصوصاً 4 کا عدد یا جن کا پیدائشی دن اتوار ہے یا نام کا پہلا ت،د یا م ہے تو آپ کے لیے ایک اچھے دن کی امید ہے۔لیکن اگر آپ کی تاریخ پیدائش میں 2،6 اور7 خصوصاً 2 عدد یا جن کا پیدائشی دن پیر ہے یا نام کا پہلا حرف ب،ک یا ر ہے تو آپ کے لیے کچھ مشکل ہوسکتی ہے۔
صدقہ: 13 یا 100 روپے یا سنہری رنگ کی چیزیں گندم، پھل، کپڑے، کتابیں یا کسی باپ کی عمر کے فرد کی خدمت کرنا بہتر ہوگا۔
وظیفۂ خاص ''یاحی، یاقیوم، یااللہ'' 13 یا 100 بار اول و آخر 11 بار درودشریف پڑھنا مناسب عمل ہوگا۔