نواز شریف نے اکبربگٹی کی شہادت کو کیش کرایا شاہ زین

نواز شریف نے گیارہ مئی کے انتخابات کے دوران نواب اکبربگٹی کی شہادت کو کیش کرایا لیکن حکومت میں آنے کے بعد نواب اکبر بگٹی کا نام بھی لینا پسند نہیں کرتے فوٹو : فائل

---

جمہوری وطن پارٹی کے صوبائی صدر نوابزادہ شاہ زین بگٹی نے کہا ہے کہ وزیراعظم میاں نواز شریف نے گیارہ مئی کے انتخابات کے دوران نواب اکبربگٹی کی شہادت کو کیش کرایا لیکن حکومت میں آنے کے بعد نواب اکبر بگٹی کا نام بھی لینا پسند نہیں کرتے۔

گزشتہ روزایکسپریس سے بات چیت کرتے ہوئے انہوں نے کہا کہ70 ہزار سے زائد بگٹی کشمورمیں پچھلے نو سال سے مہاجر بن کر زندگی گزار رہے تھے لیکن حکومت نے ان میں سے صرف ساڑھے چارہزار افراد کو واپس آنے کی اجازت دی۔ انہوں نے مزید کہا کہ 9سال بعد اپنے گھروں کو جانے والے بگٹی قبائل کو خوراک اور راشن کی قلت کا بھی سامنا ہے۔