بشام خودکش حملہ سی پیک سیکیورٹی یونٹ کے کمانڈنٹ سمیت چار پولیس افسران معطل
وفاقی حکومت نے چاروں افسران کو عہدے سے ہٹا کر معطلی کا نوٹی فکیشن جاری کردیا
خیبرپختونخوا کے علاقے بشام میں چینی قافلے پر ہونے والے خودکش حملے کی تحقیقات کے بعد وفاقی حکومت نے خیبرپختونخوا پولیس کے چار اعلیٰ افسران اور سی پیک سیکیورٹی یونٹ کے کمانڈنٹ کو معطل کردیا۔
تفصیلات کے مطابق بشام میں چینی انجینئرز کی بس پر ہونے والے خودکش حملے کی تحقیقات کے بعد وفاقی حکومت نے غفلت برتنے پر خیبرپختونخوا پولیس کے چار اعلی افسران کی معطلی کے احکامات جاری کر دئیے۔ معطل ہونے والوں میں ڈی آئی جی ہزارہ بھی شامل ہیں۔
مزید پڑھیں: بشام دھماکا، حکومت کا غفلت کے مرتکب 5 سینئر پولیس افسران کیخلاف کارروائی کا فیصلہ
اس کے علاوہ سیکیورٹی کے بہتر انتظامات نہ ہونے پر سی پیک سیکیورٹی یونٹ کے کمانڈنٹ ظفر علی کو عہدے سے ہٹا کر معطل کردیا گیا ہے جبکہ گریڈ بیس کے مزید دو افسران کو بھی عہدے سے ہٹا کر معطل کردیا گیا ہے۔
یہ بھی پڑھیں: بشام میں چینی انجنیئرز کو لے جانے والی بس بم پروف نہ ہونے کا انکشاف
وفاقی حکومت نے چاروں افسران کو چار ماہ کے لئے معطل کا اعلامیہ جاری کر دیا کرتے ہوئے بشام واقعے پر دیگر افسران کے خلاف کاروائی کے لئے کے پی پولیس سے تفصیلی رپورٹ بھی طلب کرلی۔