ایک ہفتے کے دوران زرمبادلہ کے ذخائر میں 6 کروڑ 28 لاکھ ڈالر کا اضافہ
زرمبادلہ کے مجموعی ذخائر کی مالیت بڑھ کر 13 ارب 44 کروڑ 17 لاکھ ڈالر ہوگئی
گذشتہ ہفتے کے اختتام پر زرمبادلہ کے مجموعی ذخائر میں 6 کروڑ 28 لاکھ ڈالر کا اضافہ ہوا اور ذخائر کی مجموعی مالیت13 ارب 44 کروڑ 17 لاکھ ڈالرہوگئی۔
اسٹیٹ بینک نے زرمبادلہ کے ذخائر سے متعلق ہفتہ وار اعدادوشمار جاری کردیے جن کے مطابق 5 اپریل کو ختم ہونے والے ہفتے کے دوران سرکاری ذخائر ایک لاکھ ڈالر کم ہوئے اورسرکاری ذخائر کی مالیت 8 ارب 4 کروڑ 3 لاکھ ڈالر کی سطح پر رہی۔
ایک ہفتے کے دوران زرمبادلہ کے مجموعی ذخائر میں 6 کروڑ 28 لاکھ ڈالر کا اضافہ ہوا اور زرمبادلہ کے مجموعی ذخائر کی مالیت 13 ارب 44 کروڑ 17 لاکھ ڈالر کی سطح پر آگئی۔
مرکزی بینک کے مطابق کمرشل بینکوں کے ذخائر 6 کروڑ 29 لاکھ ڈالر اضافے سے 5 ارب 40 کروڑ 14 لاکھ ڈالر کی سطح پر آگئے۔