جن کو میری شادی کی جلدی ہے ابھی انتظار کریں عائشہ عمر

لاہور کے کھانے بہت پسند ہیں، لوگ بڑا پیار کرنے والے ہیں، اداکارہ کی میڈیا سے گفتگو۔ فوٹو: فائل

---

ٹی وی کی معروف اداکارہ وماڈل عائشہ عمرنے کہا ہے کہ جن لوگوں کو میری شادی کی جلدی ہے ان سے درخواست ہے کہ ابھی انتظار کریں ویسے بھی جوڑے آسمانوں پر بنتے ہیں، ابھی مجھے شادی کی کوئی جلدی نہیں ہے ، میری کوئی پلاننگ نہیں اور میرا ایمان ہے کہ پلاننگ تو خدا کی ذات کرتی ہے۔

میڈیا سے گفتگو کے دوران انھوں نے کہا کہ میں آزاد خیال لڑکی ہوں اور پابندی برداشت نہیں کرتی، کھانے میں دال چاول اور بھنڈی گوشت پسند ہے، سادہ اور ماڈرن لباس شوق سے پہنتی ہوں۔ انھوں نے کہا کہ لاہور شہر مجھے بہت پسند ہے، خاص طور پر لاہور کے کھانے نہایت لذیز ہیں، یہاں کے لوگ بہت پیار کرنے والے ہیں۔ ایک سوال کے جواب میں انھوں نے بتایا کہ ''یلغار '' نامی ایک اردو فلم میں مرکزی کردار ادا کررہی ہوں جس میں میرے ساتھ شان، ہمایوں سعید، ثنا بچہ شامل ہیں۔ اس کے ڈائریکٹر اور پروڈیوسر ڈاکٹر حسن رانا ہیں۔