مصباح نے کوہلی کو پاکستان ٹیم کیلیے سب سے بڑا خطرہ قرار دے دیا

کوہلی پاکستان کے خلاف پہلے کھیل چکے اور اچھی طرح جانتے ہیں کہ دباؤ کا کیسے سامنا کرنا ہے، سابق کپتان۔ فوٹو: ایکسپریس ویب

---

سابق کپتان مصباح الحق نے بھارتی کرکٹر ویراٹ کوہلی کو پاکستان ٹیم کیلیے سب سے بڑا خطرہ قرار دے دیا۔

ایک ٹی وی پروگرام میں جب ان سے پوچھا گیا کہ وہ کس کو 9 جون کے میچ میں گرین شرٹس کیلیے بڑا خطرہ سمجھتے ہیں تو انھوں نے جواب دیا کہ سب سے بڑی رکاوٹ تو ویراٹ کوہلی ہوں گے۔

یہ بھی پڑھیں: ٹی20 ورلڈکپ؛ گواسکر نے بھی پاکستان کو ٹاپ 4 سے باہر کردیا

انہوں نے کہا کہ کوہلی پاکستان کے خلاف پہلے کھیل چکے اور اچھی طرح جانتے ہیں کہ دباؤ کا کیسے سامنا کرنا ہے، گزشتہ ورلڈکپ میں بھی کوہلی میچ ہاتھوں سے چھین کر لے گئے ہیں، ایسے کھلاڑی ہمیشہ ہی خطرناک ہوتے ہیں۔

مصباح نے اس ورلڈکپ میں جسپریت بمرا کی جانب سے بہترین بولنگ کی بھی توقع ظاہر کردی۔