پنجاب کی 41 ملز کو 96 ہزار میٹرک ٹن شوگر ایکسپورٹ کرنے کی اجازت
شوگر ملز کیلیے کوٹہ مختص کرنے کا نوٹی فکیشن جاری، جے ڈی ڈبلیو ملز کیلیے 10ہزار 783 میٹرک ٹن کا کوٹہ مختص
پنجاب حکومت نے 64 فیصد شوگر برآمد کرنے سے متعلق شوگر ملز کو کوٹہ جاری کردیا۔
پنجاب حکومت نے صوبے کی 41 شوگر ملوں کو 96 ہزار میٹرک ٹن شوگر ایکسپورٹ کرنے کا کوٹہ جاری کیا جس کا کین کمشنر پنجاب عبدالرؤف کی جانب سے نوٹیفکیشن جاری کردیا گیا۔
نوٹی فکیشن کے مطابق رمضان شوگر ملز کو 2988 میٹرک ٹن، العریبیہ شوگر ملز کو 1660 میٹرک ٹن، مدینہ شوگر ملز کو 3790 میٹرک ٹن شوگر ایکسپورٹ کرنے کی اجازت دی گئی ہے۔
اس کے علاوہ اشرف شوگر ملز کو 2158، اتفاق شوگر ملز 1298 میٹرک ٹن، جے ڈی ڈبلیو شوگرملز کو 10ہزار 783 میٹرک ٹن، تاندلیا والا شوگر ملز کو 3774 میٹرک ٹن شوگر ایکسپورٹ کرنے کی اجازت دی گئی ہے۔
واضح رہے کہ اکنامک کوآرڈینیشن کونسل کی جانب سے 1لاکھ 50ہزار میٹرک ٹن شوگر ایکسپورٹ کرنے کی اجازت دی گئی تھی۔