چیمپئنز ٹرافی 2025 آئی سی سی کی مشاورت سے بجٹ کو حتمی شکل دیدی گئی

آئی سی سی چیف فنانس آفیسر انکر کھنہ اور پاکستان کرکٹ بورڈ کے سی ایف او جاوید مرتضی نے یہ بجٹ تیارکیاہے۔

---

پاکستان نے آئی سی سی کی مشاورت سے آئی سی سی چیمپئنز ٹرافی کے بجٹ کو حتمی شکل دے دی ہے۔

آئی سی سی چیف فنانس آفیسر انکر کھنہ اور پاکستان کرکٹ بورڈ کے سی ایف او جاوید مرتضی نے یہ بجٹ تیارکیاہے۔

سری لنکا کے شہر کولمبو میں انیس جولائی سے آئی سی سی کی سالانہ میٹنگز شروع ہورہی ہیں، جس میں پی سی بی سربراہ محسن نقوی اور چیف ایگزیکٹو آفیسر سلمان نصیر پاکستان کی نمائندگی کرنے کے لیے اٹھارہ جولائی کو روانہ ہوں گے۔

مزید پڑھیں: پلان اے، بی کچھ منظور نہیں! پاکستان بھی چیمپئینز ٹرافی کی میزبانی کیلئے ڈٹ گیا

ذرائع کے مطابق کولمبو میں ہونےوالے اجلاس میں بائیس جولائی کو آئی سی سی چیمپئنز ٹرافی کے بجٹ کی منظوری دی جائے گی۔آئی سی سی اور پی سی بی کی مشاورت سے تیار کردہ یہ بجٹ بائیس جولائی کو منظوری کے لیےپیش کیا جائے گا۔

اس روز صرف بجٹ کی منظوری ایجنڈے کا حصہ ہے۔ہائی برڈ ماڈل سمیت کوئی دوسرا فارمولہ ایجنڈے میں نہیں رکھا گیا۔ اس کے ساتھ کوئی اضافی بجٹ یا ہنگامی بجٹ پر بھی بات نہیں ہوگی۔

مزید پڑھیں: چیمپئینز ٹرافی 2025 نہ کھیلنے نہ آنے کے بیچ بھارتی بورڈ کا بڑا بیان آگیا

پاکستان کوانیس فروری سے نو مارچ تک آئی سی سی چیمپئَنز ٹرافی کی میزبانی کرنی ہے جس کے لیے پچز اور گراونڈ آئی سی سی کے کیورٹر اینڈی ایٹکسن کی ہدایات کےمطابق تیار کیے جارہے ہیں۔

مزید پڑھیں: "چیمپینز ٹرافی؛ بھارتی ٹیم میچ کھیلنے پاکستان نہیں جائے گی"

چیمپئنز ٹرافی کے انتظامات کا جائزہ لینے کے لیے آئی سی سی کے وفد کی اکتوبر میں پاکستان آمد متوقع ہے۔ اب تک تین مختلف وفود چیمپئنز ٹرافی کے انتظامات دیکھنے کے لیے پاکستان آچکےہیں۔