جعلی ویٹرنری ادویات کی فروخت میں ملوث 3ملزمان گرفتار

جعلی ادویات فروخت کرنے والے ملزمان ایف آئی اے کی حراست میں ( فوٹو: ایکسپریس نیوز)

---

ایف آئی اے اینٹی کرپشن نےجعلی ویٹرنری ادویات کی فروخت میں ملوث 3 ملزمان کو گرفتار کرلیا۔

ترجمان ایف آئی اے کے مطابق اینٹی کرپشن سرکل کراچی نےکارروائی کے دوران جعلی ویٹرنری ادویات کی فروخت میں ملوث 3 ملزمان کوگرفتارکرلیا، گرفتارملزمان میں یوسف خان،محمد عثمان اورہنیدخان شامل ہیں،ملزمان کوکراچی کےعلاقےملیر سےگرفتارکیا گیا۔

ترجمان ایف آئی اے کے مطابق چھاپے کے دوران ملزمان سے200سے زائد بوٹ ان پلس انجیکشنزبرآمد کیے گئے جبکہ بھاری مقدارمیں ادویات کی پیکنگ بھی تحویل میں لی گئی۔

برآمد ہونے والے انجیکشنزکی مالیت لاکھوں روپے ہے،چھاپہ مارکارروائی میں ڈریپ حکام بھی شامل تھے،گرفتارملزمان کے خلاف مزید تفتیش کی جارہی ہے۔