سچل کے علاقے شمائل ویو اپارٹمنٹ فیز ون میں فائرنگ کے واقعے میں 2 افراد زخمی ہوگئے جنھیں فوری طبی امداد کے لیے اسپتال لیجایا گیا۔

ان افراد کی شناخت 44 سالہ ندیم اور 23 سالہ طلحہٰ محمود کے نام سے کی گئی۔

اس حوالے سے ایس ایچ او سچل اورنگزیب خٹک نے بتایا کہ واقعہ ذاتی جھگڑے کے دوران پیش آیا ہے جس میں ایک شخص ہاتھ پر جبکہ دوسرا کمر پر گولی لگنے سے زخمی ہوا ہے۔

پولیس اس حوالے سے مضروبین کے بیانات قلمبند کر رہی ہے۔