سندھ میں منکی پاکس کا پہلا مشتبہ کیس سامنےآگیا

حتمی رپورٹس آنے تک مریض کو قرنطینہ میں رکھا گیا ہے:فوٹو:فائل

---

سندھ میں منکی پاکس کا پہلا مشتبہ کیس سامنے آگیا۔

ترجمان محکمہ صحت سندھ کے مطابق، جدہ سے کراچی آنے والے 32 سالہ مسافر میں منکی پاکس کی علامات پائی گئی ہیں۔ے مشتبہ کیس کی تصدیق کے لیے مسافر کے نمونے ڈاؤ اوجھا کیمپس کی لیبارٹری بھیجے گئے ہیں۔

متاثرہ فرد کو نیپا کے انفیکشن ڈیزیز اسپتال میں قرنطینہ میں رکھا گیا ہے تاکہ مرض کے ممکنہ پھیلاؤ کو کنٹرول کیا جا سکے۔ محکمہ صحت کے ترجمان کا کہنا ہے کہ مسافر میں پائی جانے والی علامات منکی پاکس سے مماثلت رکھتی ہیں جس میں جسم پر سرخی مائل دانے، بخار اور جسم میں درد شامل ہیں۔ کیس کی حتمی رپورٹ آنے تک مسافر کو قرنطینہ میں رکھا جائے گا۔