گاڑی کی ٹکر سے سی ٹی ڈی اہلکار کو شدید زخمی کرکے فرار ہونیوالا ڈرائیور گرفتار

فوٹو: فائل

---

پولیس نے گاڑی کی ٹکر سے سی ٹی ڈی اہلکار کو شدید زخمی کرکے فرار ہونیوالے ڈرائیور کو گرفتار کرلیا۔

پولیس کے مطابق گزشتہ ماہ 13 جولائی کو سائٹ اے تھانے کی حدود میں سی ٹی ڈی میں تعینات سب انسپکٹر عقیل احمد کو ڈیوٹی سے گھر جاتے ہوئے نامعلوم ڈرائیور نے غفلت و لاپرواہی سے گاڑی کی ٹکر سے شدید زخمی کردیا تھا۔

واقعہ کے بعد ڈرائیور گاڑی سمیت فرار ہونے میں کامیاب ہوگیا تھا جس کا مقدمہ سائٹ اے تھانے میں درج کیا گیا تھا۔

سائٹ اے انویسٹی گیشن پولیس نے سخت جدوجہد اور خفیہ اطلاع پر حادثے کے ذمہ دار ڈرائیور شاہد خان کو گرفتار کر کے گاڑی پک اپ برآمد کرلی، گرفتار ڈرائیور کے خلاف مزید ضابطے کی کارروائی عمل میں لائی جا رہی ہے۔