لیپ ٹاپ کی اسمگلنک میں ملوث ملزم گرفتار 576 لیپ ٹاپ اور گاڑی برآمد
پولیس نے ملزم کے خلاف مقدمہ درج کر کے تحقیقات کا آغاز کردیا
شاہ لطیف ٹاؤن پولیس نے لیپ ٹاپ کی اسمگلنک اور خرید و فروخت میں ملوث ملزم کو گرفتار کر کے 576 لیپ ٹاپ اور گاڑی برآمد کرلی۔
ترجمان ڈسٹرکٹ ملیر پولیس کے مطابق پولیس نے خفیہ اطلاعات کی بنیاد پر چھاپہ کارروائی کرتے ہوئے مین نیشنل ہائی وئے روڈ سے ایک ملزم شیراز کو گرفتار کرکے 576 غیر قانونی اور ایک گاڑی سوزکی وین برامد کرلی۔
گرفتار ملزم نے دوران تفتیش انکشاف کیا کہ وہ غیر قانونی لیپ ٹاپ شہر کے مختلف علاقوں میں مختلف جگہوں پر گاڑیوں کے ذزیعے سپلائی و فروخت کرتا تھا۔
پولیس نے ملزم کے خلاف مقدمہ درج کر کے لیپ ٹاپ کی غیر قانونی اسمگلنگ میں ملوث دیگر کارندوں کے حوالے سے تحقیقات کا آغاز کردیا۔