شرح غربت میں تشویشناک اضافہ عالمی برادری کیلیے چیلنج بن گیا،1.1 ارب آبادی غربت کا شکار ہو گئی۔

نیوز ایجنسی کے مطابق اقوام متحدہ کے اہداف میں 2030 تک دنیا سے غربت کا خاتمہ شامل ہے، غریبوں کی فلاح وبہبود اور ترقی پذیر ممالک کے مسائل اجاگر کرنے کیلیے 17 اکتوبر کو پاکستان سمیت دنیا بھرمیں غربت کے خاتمے کا دن منایا جاتا ہے۔

عالمی انڈیکس کے مطابق دنیا کی 1.1 ارب آبادی اس وقت غربت کی شکار ہے، افریقہ اور جنوبی ایشیا میں شرح غربت ہولناک ترین ہے، چھ میں سے5 غریب افریقی یا جنوبی ایشیائی ہیں۔

پاکستان کی47 فیصد آبادی خط غربت سے نیچے کی زندگی گزار رہی ہے،بلوچستان میں غربت کی شرح سب سے بلند، سندھ دوسرے، خیبر پختونخوا تیسرے نمبر، سب سے کم پنجاب میں ہے۔