شہر کے مختلف علاقوں میں ٹریفک حادثات کے دوران 2 افراد جاں بحق جبکہ نوجوان زخمی ہوگیا۔
تفصیلات کے مطابق لانڈھی مرتضیٰ چورنگی کے قریب ٹریفک حادثے میں ایک شخص جاں بحق جبکہ نوجوان زخمی ہوگیا۔متوفی کی لاش ایدھی کے رضا کاروں نے ضابطے کی کارروائی کے لیے جناح اسپتال پہنچائی۔
ریسکیو حکام کا کہنا ہے کہ متوفی کی شناخت 65 سالہ راشد کے نام سے کی گئی جبکہ زخمی ہونے والے 26 سالہ صابر کو طبی امداد فراہم کی جا رہی ہے۔ حادثہ نامعلوم گاڑی کی موٹر سائیکل کو ٹکر کے باعث پیش آنے کا بتایا جا رہا ہے۔تاہم، پولیس مزید معلومات حاصل کر رہی ہے۔
دریں اثنا مین کورنگی روڈ قیوم آباد چورنگی کے قریب ٹریفک حادثے میں ایک شخص جاں بحق ہوگیا ۔متوفی کی لاش چھیپا ایمبولینس کے ذریعے جناح اسپتال لیجائی گئی۔
ریسکیو حکام کا کہنا ہے کہ متوفی کی شناخت 45 سالہ محمد ناظم کے نام سے کی گئی جو کہ موٹر سائیکل پر سوار تھا جبکہ حادثہ بس کی زد میں آنے کا بتایا جا رہا ہے تاہم پولیس واقعہ کی مزید تحقیقات کر رہی ہے۔