جعلی نمبر پلیٹ لگا کر گاڑی چلانے کی پاداش میں سندھ پولیس کے انسپکٹر کو نوکری سے برخاست کردیا گیا۔
ڈی آئی جی ویسٹ کی جانب سے جاری کردہ نوٹیفکیشن کے مطابق ایس آئی او لیاقت آباد انسپکٹر رانا محمد حسیب کو گاڑی پر جعلی نمبر پلیٹ لگاکر چلانے کی پاداش میں نوکری سے برطرف کردیا گیا ہے۔
نوٹیفکیشن میں کہا گیا ہے کہ ایک منظم فورس کا رکن ہونے کی حیثیت سے جعلی نمبر پلیٹ لگا کر گاڑی چلانے جیسی سرگرمی میں ملوث ہونا انتہائی قابل اعتراض اور پولیس فورس کے لیے بدنامی کا باعث ہے جس کی سزا کے طور پر آپ کو نوکری سے برخاست کیا جاتا ہے۔