کورنگی ڈھائی نمبر میں واقع پیٹرول پمپ پر موٹر سائیکل میں آگ بھڑک اٹھی واقعہ کی موبائل فون سے بنائی گئی ویڈیو سوشل میڈیا پر وائرل ہوگئی۔
ویڈیو سے حاصل مناظر میں دیکھا جا سکتا ہے کہ موٹر سائیکل سے شعلے نکل رہے ہیں ۔ اس دوران پیٹرول پر آگ بجھانے والے آلات استعمال کرنے کی کوششیں کی گئیں لیکن سب بے سود ثابت ہوئیں۔
بعدازاں ایک نوجوان نے ہمت سے کام لیتے ہوئے جلتی ہوئی موٹر سائیکل کو کھینچ کر پیٹرول پمپ کے ڈسپینسر نوزل سے دور لے گیا اور اپنی مدد آپ کے تحت آگ کو کپڑا مار مار کر بجھا دیا تاہم اس واقعہ میں کوئی جانی نقصان نہیں ہوا۔