راولپنڈی:
نصیرآباد پولیس نے کارروائی کرتے ہوئے دو شراب سپلائرز کو گرفتار کرکے 240 ٹِن بیئر شراب اور 12بوتل شراب برآمد کرلی۔
پولیس نے دوران گشت مشکوک گاڑی کو روک کر چیک کیا تو گاڑی سے بھاری مقدار میں شراب برآمد ہوئی، گرفتار ملزمان میں بلال اور نیاز شامل ہیں۔
ملزمان کو گرفتار کرکے گاڑی قبضے میں لے لی ہے جبکہ ملزمان سے تفتیش کرکے چین آف سپلائی پر کام کیا جا رہا ہے۔
ایس پی پوٹھوہار ناصر نواز نے نصیرآباد پولیس ٹیم کو ملزمان کی گرفتاری پر شاباش دی۔ انہوں نے کہا کہ منشیات کے ناسور کے خاتمے کے لیے منشیات فروشوں اور شراب سپلائرز کے خلاف کریک ڈاؤن جاری رہے گا۔