NOWSHERA:
خیبرپختونخوا کے ضلع نوشہرہ کے گاؤں میں منگنی کی تقریب کے دوران مضر صحت مٹھائی کھانے سے کئی افراد کی حالت غیر ہوگئی۔
ایکسپریس نیوز کے مطابق نوشہرہ کے گاؤں گنڈیری میں منگنی کی تقریب کے دوران مٹھائی کھانے والے بچوں اور خواتین کی حالت غیر ہوئی جنہیں اسپتال منتقل کردیا گیا ہے۔
پولیس کے مطابق متاثرہ افراد کو طبی امداد کےلیے قاضی میڈیکل کمپلیکس منتقل کیا گیا ہے جہاں ڈاکٹرز نے تمام مریضوں کی حالت کو خطرے سے باہر قرار دیا ہے۔