راولپنڈی:
گرجا روڈ پر واقع گھر میں گیس لیکیج سے ہونے والے دھماکے میں جھلس کر 6 افراد شدید زخمی ہوگئے، امدادی اہلکاروں نے طبی امداد کے بعد زخمیوں کو اسپتال منتقل کردیا۔
ترجمان ریسکیو 1122 کے مطابق گھر میں گیس لیکیج تھی، اہل خانہ نے ناشتہ بنانے کے لیے آگ جلائی تو زور دار دھماکہ ہوگیا، جس کے نتیجے میں 6 افراد آگ کی شدید تپش سے جھلس کر زخمی ہوئے، زخمیوں میں خاتون اور بچے بھی شامل ہیں۔
ریسکیو 1122 کے اہلکاروں نے موقع پر پہنچ کر پہلے تمام زخمیوں کو ریسکیو کیا اور ابتدائی طبی امداد کے بعد اسپتال منتقل کردیا، گیس لیکیج دھماکے سے گھر میں موجود فرنیچر اور دیگر سامان کو شدید نقصان پہنچا۔