نوشہرہ میں تین موٹرسائیکلیں ون ویلنگ کے دوران آپس میں ٹکرانے سے دو نوجوان جاں بحق اور دو شدید زخمی ہوگئے۔
ایکسپریس نیوز کے مطابق واقعہ نوشہرہ اکوڑہ خٹک کے علاقے شیدو میں پیش آیا جہاں نوجوان ون ویلنگ میں مصروف تھے کہ یہ حادثہ پیش آیا۔
ون ویلنگ کرتے ہوئے تین موٹر سائیکلوں کا آپس میں تصادم ہوگیا نتیجے میں دو نوجوان موقع پر ہی جان سے ہاتھ دھو بیٹھے جب کہ دو نوجوان شدید زخمی ہیں جنہیں اسپتال پہنچا دیا گیا۔
امدادی ادارے 1122 کے مطابق تمام افراد کا تعلق شیدو سے ہے۔