کراچی: گلستان جوہر میں آن لائن فوڈ سپلائی کرنے والے رائیڈر نے شہریوں کی مدد سے ایک ڈاکو کو پکڑ کر پولیس کے حوالے کر دیا ۔
تفصیلات کے مطابق شارع فیصل کے علاقے گلستان جوہر چورنگی کے قریب آن لائن فوڈ رائیڈر نے ڈکیتی کی کوشش ناکام بنا دی ۔ آن لائن فوڈ رائیڈر نے شہریوں کی مدد سے ڈکیتی کی کوشش ناکام بنائی۔
اطلاعات کے مطابق ایک مسلح ڈاکو نے فوڈ سپلائی کرنے والے موٹرسائیکل رائیڈر کو لوٹنے کی کوشش کی ، تاہم اس نے حاضر دماغی کا مظاہرہ کرتے ہوئے مدد کے لیے شور مچانا شروع کر دیا جس سے قریب موجود شہری موقع پر جمع ہوگئے اور ڈاکو کو پکڑ کر شدید تشدد کا نشانہ بنایا۔
واقعے کی اطلاع ملنے پر پولیس موقع پر پہنچ گئی ڈاکو کو شہریوں کے چنگل سے نکال کر تھانے منتقل کیا ۔