اداکارہ زینب رضا کا پرویز مشرف سے کیا رشتہ ہے؟ انٹرویو وائرل

پاکستانی شوبز انڈسٹری سے وابستہ معروف اداکارہ زینب رضا نے حال ہی میں اپنے بارے میں گردش کرنے والی افواہوں پر وضاحت پیش کی ہے۔

ایک نجی ٹی وی چینل کے پروگرام میں زینب نے بطور مہمان شرکت کی جس دوران انہوں نے مختلف موضوعات پر گفتگو کی اور سوشل میڈیا پر اپنے حوالے سے پھیلائی گئی غلط معلومات کی وضاحت بھی کی۔

زینت نے کہا کہ انٹرنیٹ پر میرے بارے میں بہت سی غلط باتیں لکھی جا رہی ہیں۔ نہ تو میں امریکا سے آئی ہوں اور نہ ہی میری عمر 23 سال ہے۔ زینب نے بتایا کہ ان کی اصل عمر 26 سال ہے، جبکہ گوگل پر ان کی عمر 23 سال درج ہے، جو غلط ہے۔

اداکارہ نے مزید کہا کہ گوگل کے مطابق احمد نامی ایک شخص ان کا بوائے فرینڈ ہے، جو حقیقت نہیں ہے۔ مزید یہ کہ گوگل پر یہ بھی لکھا ہے کہ سابق صدر پرویز مشرف ان کے نانا ہیں، لیکن ایسا کچھ نہیں ہے یہ سب جھوٹی افواہیں ہیں۔

زینب رضا کا کہنا تھا کہ جب بھی وہ سوشل میڈیا پر اپنے والدین کے ساتھ تصاویر شیئر کرتی ہیں، تو لوگ کمنٹ کرتے ہیں کہ یہ پرویز مشرف کے بچے ہیں۔ حتیٰ کہ جب وہ اپنے حقیقی نانا کی تصاویر پوسٹ کرتی ہیں، تب بھی لوگ اس پر یقین نہیں کرتے۔

اداکارہ نے بتایا کہ گوگل پر موجود غلط معلومات کی وجہ سے ان کے مداحوں کو ان کے بارے میں اکثر غلط فہمیاں ہوتی ہیں جس کی آج انہوں نے میڈیا پر تصحیح کردی ہے۔