سپرہائی وے معمار موڑ کے قریب ٹریفک حادثے میں باپ جاں بحق جبکہ بیٹا شدید زخمی ہوگیا۔
متوفی کی لاش چھیپا کے رضا کاروں نے عباسی شہید اسپتال پہنچائی ، ریسکیو حکام کا کہنا ہے کہ متوفی کی شناخت 60 سالہ ماکوڑو کے نام سے کی گئی جبکہ شدید زخمی ہونے والے بیٹے 17 سالہ غلام عباس کو طبی امداد فراہم کی جا رہی ہے۔
ریسکیو کا کہنا ہے کہ حادثے کا شکار باپ اور بیٹا راہگیر تھے جبکہ حادثہ نامعلوم تیز رفتار گاڑی کی ٹکر سے پیش آنے کا بتایا جا رہا ہے تاہم پولیس واقعہ کی مزید معلومات حاصل کر رہی ہے۔